A POBRA> Nove usuarios de AMICOS participan no campo de voluntariado xuvenil promovido pola Consellería de Política Social. Realizarán actividades tanto no parque natural de Corrubedo como nas Illas Atlánticas.
Ata o vinte e seis de xullo, o grupo de participantes no campo de voluntariado de AMICOS, realzarán diversas actividades enfocadas principalmente á conservación medioambiental e do patrimonio. Ademais de limpezas en praias e parques naturais, participarán en actividades nas illas atlánticas tanto en Sálvora como en Cortegada, onde stá prevista a colocación dun hotel para insectos.
Ademais das accións de voluntariado, os participantes disporán de tempo de lecer no que realizar actividades lúdicas e diversas excursións. Mentres dure o campamento estarán instalados no cámping de Cabío, na Pobra, un entorno incomparable que garante tódalas medidas de seguridade e prevención contra o coronavirus.
