PONTEVEDRA> O PSOE realizou hoxe unha valoración das eleccións autonómicas. Os socialistas mostráronse positivos cos resultados acadados na provincia de Pontevedra. Iso si, o secretario xeral provincial do partido, David Regades, asegurou que queda moito traballo para conseguir ser primeira forza en Galicia.
Esa é a valoración que fan os socialistas dos resultados electorais do pasado día 12. Tras conseguir dous deputados máis na provincia de Pontevedra, o PSOE asegura que obtivo un resultado positivo grazas á súa unión interna.
A pesar de obter case 14.000 votos máis na provincia, os socialistas aseguran que non están orgullosos cos resultados globais. Por iso, a agrupación vermella realizará un Comité Provincial nos vindeiros días para analizar todos os errores cometidos nesta campaña.
Os socialistas cren que o modelo da provincia de Pontevedra é un modelo de éxito. Por iso, David Regades asegurou hoxe que traballarán en facer un PSOE forte para liderar Galicia nas vindeiras eleccións autonómicas.
