RIANXO> Esta mañá tiña lugar a súa inauguración. Un acto no que estiveron presentes diversas autoridades, e que contou co escritor local Xosé Ricardo Losada coma pregoeiro.
Un total de cinco librarías, tres delas do Barbanza: ler, Cándido e Ben, participan este ano na Feira do Libro de Rianxo. Unha das principais novidades é que cambia de emprazamento. Desenvolverase no Campo de Arriba en lugar da praza Castelao, coma era costume en edicións anteriores. Outro dos cambios virá condicionado pola covid, o que obrigará a extremar as medidas de seguridade. Haberá que manter as distancias, usar a máscara e empregar tamén os xeles hidroalcólicos.
Esta mañá tiña lugar a apertura da feira e o acto inaugural no que participaron diversas autoridades, entre elas o alcalde, Adolfo Muíños, e o deputado responsable de Cultura da Deputación da Coruña, Xurxo Couto. Os dous incidiron na importancia desta cita.
O escritor local, Xosé Ricardo Losada, actuou de pregoeiro da Feira, que en Rianxo xa chega á súa oitava edición.
A feria estará aberta ó público ata o vindeiro domingo das once ás dúas pola mañás e de cinco a nove polas tardes.
