A POBRA> Vou Films presentará na Pobra a terceira curtametraxe da saga de oficios femininos. As Peixeiras proxectarase este sábado no cine Elma con aforo limitado polo que é preciso reservar entrada previamente.
Tralas Lavandeiras e As Costureiras, Vou Films presenta as Peixeiras, a terceira curta da súa saga de oficios femininos da posguerra. Estrearase no Cine Elma da Pobra este sábado.
Aqueles que desexen asistir á estrea deberán reservar entrada posto que a capacidade do teatro será limitada para poder garantir a distancia de seguridade.
O concello da Pobra colabora na produción destes filmes rodados case na súa totalidade na Pobra. O seguinte, no que xa traballa na produtora, levará por título ‘As leiteiras’.
