OUTES> O órgano estará integrado polos distintos grupos políticos que conforman a corporación.
Segundo explicou o propio alcalde, Manuel González, esta comisión está pensada para a modificación do Plan Xeral de Ordenación Municipal e así dar resposta a unha vella demanda do Concello, como é a dotación de chan industrial.
O Concello xa baralla varias localizacións para poder emprazar alí o polígono. Propostas todas elas que lle foron presentadas con anterioridade ós empresarios do municipio.
O alcalde explicou que a proposta mellor valorada seralle remitida á Xunta de Galicia co fin de iniciar os trámites necesarios para levalo adiante.
