PONTEVEDRA> A décimo segunda edición do Salón do Libro de Pontevedra xa ten data. A cita terá lugar do 5 ao 21 de marzo de 2021. Un evento moi agardado na cidade e que este ano sufriu de cheo as consecuencias da crise da Covid. O lema desta celebración será “Emerxencia literaria: libros para salvar o planeta”.
O Concello de Pontevedra comeza a preparar xa o vindeiro Salón do Libro. Tras o inconvenientes sufridos este ano pola crise da Covid, o goberno local pon xa o foco na décimo segunda edición. Un evento que terá lugar do 5 ao 21 de marzo e cuxo lema será “Emerxencia literaria: libros para salvar o planeta”.
Como este ano non se puido facer a homenaxe que se merecían, Kiko Dasilva e Helena Villar Janeiro volverán a ser as figuras homenaxeadas na vindeira edición.
Co obxectivo de adaptar o Salón á nova normalidade, o Concello tratará de mesturar as actividades presenciais coas virtuais.
O evento que máis man botará das novas tecnoloxías será o Congreso de Mediación Lectora. O formato será virtual para así poder contar co maior número de asistentes posible.
