As medidas sanitarias deixan aos máis pequenos da Illa sen a súa ‘esmoliña’ polos Defuntiños

A ILLA> Os nenos e nenas da Illa de Arousa non puideron gozar este ano co tradicional defuntiños. Dende o concello aconsellaron á veciñanza que os máis pequenos non saísen a pedir para evitar contaxios. Aínda así, houbo quen se adaptou para non perder a tradición.

O día 2 de novembro as rúas da Illa de Arousa énchense de nenos e nenas que percorrer a vila para pedir polos defuntiños. As imaxes de anos anteriores contrastan coas de este ano, xa que por precaución, dende o concello recomendaron que os máis pequenos non saísen a pedir ás rúas.

Os establecementos e os veciños que habituaban a dar as esmolas aos máis pequenos lamentan a cancelación pero entenden que é necesario.

Dende o concello fixeron esta recomendación para evitar as aglomeracións, xa que o habitual é que os máis pequenos percorreran as rúas en grandes grupos.

Aínda así e respectando as medidas houbo que continuou coa tradición, xa sexa levando aos máis pequenos a pedir aos avós ou os locais tendo detalles cos clientes.

Os nenos e nenas da Illa deberán agardar para volver pedir a esmola polos defuntiños ata o ano que ben. O parón é necesario para evitar a propagación de virus e volver ver unhas imaxes como estas cos establecementos abertos para recibir aos máis pequenos. Iguais ou similares, porque algúns gañáronse unha merecida xubilación.