BOIRO> Para o desenvolvemento da campaña comercial de Nadal a patronal local conta coa colaboración do Concello.
Un ano máis a patronal boirense pon en marcha a súa campaña de Nadal. Será unha proposta similar á que veu desenvolvendo con gran éxito este verán, coa participación duns 50 comercios asociados á entidade, a través da entrega de rascas por cada cinco euros de compra.
O presidente da ABE fixo alusión á boa acollida que está a ter outra iniciativa posta en marcha pola entidade, como é o Bono Regalo.
Para o desenvolvemento da campaña a ABE, conta coa colaboración do Concello, a través da concellería de Comercio, dende onde insistiron novamente na necesidade de apostar polas compras a nivel local, coma mellor fórmula para o desenvolvemento económico do municipio.