BOIRO> Iniciativa Cidadá de Boiro solicítalle ó Concello que tódalas actividades da programación de Nadal que se organicen no municipio teñan un espazo reservado para as persoas con algún tipo de discapacidade. Dende a formación tamén piden que a Cabalgata sexa en silencio para a inclusión das persoas con Trastorno do Espectro Autista.
O desexo de IC Boiro para este Nadal é a inclusión. Por esta razón, solicita ó concello que tódalas actividades da programación cultural e festiva teñan en conta ás persoas con discapacidade. Piden que se reserve un espazo acoutado para que poidan gozar dos espectáculos sen problemas de visibilidade e sen obstáculos que impidan a súa mobilidade así como se habilite unha cola inclusiva para minimizar as esperas dos nenos con diversidade funcional.
Así mesmo, como xa fixeran o pasado ano, demandan que un treito da cabalgata de Reis se realice en silencio para os nenos con trastorno do espectro autista.
