BARRO> A situación tamén preocupa no concello de Barro cos 27 casos activos. Os datos non son alarmantes pero dende o concello sons conscientes que a situación pode dispararse en calquera momento dada a situación que atravesa o área sanitaria.
Por elo dende o goberno local piden á xente responsabilidade e máximo cumprimento das normas sanitarias.
Ademais da situación sanitaria, dende o concello tamén mostran a súa preocupación pola crise económica. O pleno municipal aprobou unha moción conxunta do goberno e do Psoe na que solicitan á Xunta que axilice as axudas aos sectores económicos máis afectados.
Para o goberno local o ideal sería a creación dun fondo entre as administracións para poder axudar a eses sectores.
Pola súa parte o concello tomou medidas como dotar aos seus negocios dos materias que necesitaran para enfrontarse a covid e suspender durante os peches os impostos do lixo, xa que a vila non dispón doutros tributos municipais. Ademais tamén traballan na creación dunha guía local onde se mostren todos os negocios do municipio.
