SALNES> A pesar das dificultades do ano 2020, a mancomunidade do Salnés fai un balance positivo das actuacións levadas ao cabo ao longo deste ano. O organismo comarcal aumentou os seus investimentos nun 18%. O futuro da mancomunidade pasa polo control dixital de todos os seus sectores.
A crise provocada polo coronavirus non impediu que a mancomunidade do Salnés continuase co seu programa de actuación. A pesar das dificultades xurdidas a consecuencia do virus, dende a presidencia da mancomunidade fan un balance positivo da súas actuacións.
As actuacións da mancomunidade do Salnés baséanse en cinco pilares: Formación e emprego, un dos pilares da mancomunidade cuns investimentos superiores ao millón de euros, servizos básicos, que cobren as necesidades de todos os concellos, servizos sociais, promoción turística e inversións, obras e infraestruturas, con investimentos que superan tamén o millón de euros. En total os investimentos da mancomunidade aumentaron en case un 20%.
A mancomunidade continuará no 2021 aumentando as súas actuacións, pero o principal foco de actividade centrarase na dixitalización de todos os seus servizos. O obxectivo da mancomunidade é controlar o rendemento e a eficacia de tódolos seus equipos.
Ademais deste sistema de dixitalización, as próximas actuacións da mancomunidade darán prioridade ás enerxías renovables.
