MORAÑA> Luisa Piñeiro reivindica a súa inocencia. A través dunha gravación difundida polas redes sociais, a xa exdelegada da Xunta en Pontevedra defende a súa xestión na petición dunha subvención para melloras no campo de fútbol de Moraña, cando ela era alcaldesa. Entende que o expediente non ten nada que ver con ela, porque fo tramitado na Deputación de Pontevedra.
Luisa Piñeiro volvería facelo. A xa exdelegada da Xunta en Pontevedra di estar convencida de que ela actuou correctamente cando solicitou unha subvención para melloras no campo de fútbol de Moraña.
A exalcaldesa de Moraña reivindica a súa inocencia a través dun vídeo difundido polas redes sociais. Di estar tranquila e asegura que fixo o correcto.
Explica que ela só asinou unha solicitude de subvención e pon o foco na Deputación de Pontevedra.
Cre que se está a difumina-la realidade, lembrando que o único que se xulga é a correcta tramitación dunha subvención.
Piñeiro indica que solicitudes como a que abriu este caso son moi habituais na administración local na procura de financiamento doutras administracións como a Deputación a Xunta. A xa expopular foi condenada a 2 anos de cadea e 8 de inhabilitación, o que precipitou o pasado venres a fin da súa carreira política.
