BARBANZA> O BNG do Barbanza denuncia o escurantismo con que se está a tramitar a modificación da Lei de Saúde Pública. O cambio da norma que, segundo os nacionalistas contempla numerosas limitacións, debaterase este martes no Parlamento Galego.
A primeira crítica dos nacionalistas con respecto á modificación da Lei de Saúde refírese á súa tramitación posto que se realizou a través dunha proposición non de lei presentada polo Grupo Popular evitando así os trámites parlamentarios que requiriría un proxecto de lei.
No que respecta ó seu contido, dende o BNG explican que a reforma introduce numerosas limitacións dos dereitos básicos das persoas e establece a imposición de sancións en moitos supostos.
Pola contra, a reforma non contempla o reforzo de medios e recursos humanos na sanidade pública, para dar cobertura a atención non só da covid senón de outras moitas doenzas que, segundo os nacionalistas, non conta coa correcta asistencia no contexto da pandemia.