RIBEIRA> Ribeira segue tamén con preocupación o incremento dos casos activos. Segundo o alcalde, Manuel Ruíz, o peche perimetral que afecta á Pobra nestes momentos vai beneficiar ós concellos limítrofes, debido á interrelación que manteñen os municipios na comarca.
O rexedor ribeirense informou que polo de agora o Sergas non ten en mente realizar un novo cribado poboacional no municipio, aínda que de aumentar os casos activos, non se descartaría.
