VILAGARCIA> Os hostaleiros do ocio nocturno valoran de forma positiva as probas piloto que a Xunta estuda implanta para reabrir o sector. Os traballadores afirman que os seus locais son seguros e piden á xente responsabilidade individual. Agardan que a reapertura se faga de forma escalonada e sen retrocesos.
A Xunta de Galicia estuda as posibilidades para reabrir o ocio nocturno. O sector leva pechado dende agosto de 2020 e o seu futuro continua sendo unha incógnita. Para arroxar algo de luz, a Xunta traballa con sanidade e o sector para a realización de probas piloto para comprobar as seguridades nos locais.
Dende o sector sinalizan que os seus establecementos son seguros e que a solución depende da responsabilidade individual de cada persoa. Consideran que poden ser parte da solución evitando os descontrois das festas privadas.
Despois de máis dun ano sen case traballar, o sector está moi tocado. Os locais reciben axudas pero advirten que en moitos casos non son suficientes.
Agardan que estas probas piloto sexan o inicio da desescalada, que se tomen medidas con criterio e non dar pasos atrás.
As esperanzas do sector están todas postas no verán.
Os hostaleiros do ocio nocturno lamentan que a situación obrigase a moitos compañeiros a pechar os seus negocios. Tamén advirten que de seguir sen abrir outros sectores como os da cultura tamén pagarán as consecuencias.
