PONTEVEDRA> Os escaparates dunha vintena de comercios de Pontevedra converteranse en escenarios por unhas horas. Trátase de Escapararte, a nova iniciativa posta en marcha polo concello para dinamizar o comercio local axudando, ao mesmo tempo, aos artistas tan golpeados pola covid19. Será o vindeiro sábado 8 de maio.
O vindeiro 8 de maio en Pontevedra os escaparates de 18 comercios locais converteranse en escenarios. Os establecementos cederán estes espazos para acoller actuacións de todo tipo e para todos os públicos.
O proxecto chámase Escapararte e nel participan locais de distintos sectores e zonas de Pontevedra. Cantantes, monologuistas, bailarias ou clowns encherán as rúas con todo o seu talento.
Dende o comercio local agradecen ao concello esta iniciativa para dinamizar as rúas. Sempre cumprindo con todas as normas covid.
As actuacións desenvolveranse durante todo o día 8 de maio. Comezarán ás 10 da mañá e rematarán ás 8 da tarde movéndose entre os diferentes establecementos que participan nesta primeira edición de EscaparArte.
