PONTEVEDRA/O SALNÉS> A área sanitaria de Pontevedra e O Salnés mantense nos 491 casos activos. Unha cifra que se mantén estable despois do crecemento sostido das últimas semanas. En canto á presión hospitalaria, a día de hoxe hai 24 pacientes ingresados, cinco deles na undiade de coidados críticos do Hospital de Montecelo.
O número de casos activos de covid19 permanece estable na área sanitaria de Pontevedra e O Salnés. Segundo o Servizo Galego de Saúde, hoxe non houbo cambios manténdose nos 491. O que si aumentou lixeiramente foi o número de hospitalizados, con 24 pacientes nos centros da área: 14 no Complexo Hospitalario Universitario de Pontevedra e 10 no Salnés. Pola súa banda, seguen a ser 5 os ingresados na unidade de críticos de Montecelo.
Polo de momento, o concello de Vilanova con 38 casos activos é o único municipio no nivel máximo de restricións. Preocupa a importante suba que se está a dar en Cambados, que xa acadou os 52 casos activos. O concello cambadés sitúase no nivel alto de restricións, xunto con O Grove e Meaño. A pesares da situación, dende a área destacan a colaboración da cidadanía.
En Pontevedra rexistráronse hoxe 81 casos activos, mentres que en Poio son 17. Vilagarcía, pola súa banda, acadou os 62.
