PONTEVEDRA> Pontevedra xa pensa nas festas do verán. O concello está a programar as actividades partindo do escenario máis desfavorable, aplicando as mesmas restricións de capacidade que o ano pasado. Iso si, non desbotan facer cambios se a situación mellora. Ademais, o goberno local adiantará o comezo da programación ao mes de xuño, para desenvolver máis actividades que o ano pasado.
Pontevedra tampouco renunciará este ano ás Festas de Verán. O concello xa traballa na programación para esta época partindo da fórmula do ano pasado, cando se celebraron máis de 300 actividades sen sobresaltos.
Para compensar as limitacións de público, o goberno local ten previsto iniciar antes a programación. Así, moitas propostas desenvolverase xa en xuño, un mes antes do habitual. Ademais, volverán apostar polo sector cultural galego.
Ao igual que o ano pasado, as actividades serán descentralizadas. Aos escenarios da praza de España, Alameda e Ferrería sumaranse outros como as pistas de Campolongo, A Parda ou Os Gafos. En canto ás atraccións, polo de momento terán que agardar.
Silva tamén foi prudente sobre a edición deste ano da Feira Franca. A edil explicou que aínda é cedo para avanzar que sucederá, xa que as condicións epidemiolóxicas do mes de setembro poden ser moi diferentes ás actuais.
