Sanxenxo recupera o ‘Degusta Tapas’ con 21 establecementos e 31degustacións

SANXENXO> O concello de Sanxenxo volverá celebrar este ano unha nova edición do degusta tapas. O evento gastronómico contará este verán con 21 establecementos que ofertarán 31 tapas. Os clientes que proben ao menos 5 delas entrarán nun sorteo de numerosos agasallos.

Os concellos comezan pouco a pouco a celebrar os evento que tiveron que cancelar ou aprazar por motivo da pandemia. É o caso do degusta tapas de Sanxenxo. Un concurso gastronómico que regresa este ano aos bares do municipio.

Cada un dos 21 establecementos poden ofrecer unha ou dúas tapas, e participarán no concurso segundo a modalidade dos pratos que elaboren, que pode ser tradicionais ou creativos. En total a oferta gastronómica desta edición estará composta por 31 tapas.

A volta do degusta tapas de Sanxenxo ten como obxectivo impulsar ao sector hostaleiro da vila. Dende o goberno local agardan que sexa unha iniciativa que impulse ao sector de cara o verán.

Os clientes poderán degustar as tapas que desexen. Cantos máis pratos proben poderán optarán a máis premios. Unha vez obtidos os selos mínimos deberán entregar os boletos nas caixas que estarán dispoñibles en todos os locais participantes.