RIBADUMIA> Ribadumia puido gozar esta pasada fin de semana da festa do Tinto de Barrantes. O primeiro gran festexo que se celebra na nosa contorna dende o inicio da pandemia. Todos os actos estiveron adaptados as medidas sanitarias. Dende o concello cualifican de éxito tanto os festexos como o comportamento da veciñanza.
A festa do tinto de Barrantes regresou este ano a Ribadumia na súa corenta e oito edición. A celebración pode catalogarse como o primeiro gran festexo da nosa contorna que se celebra. A festa estivo marcada polas medidas sanitarias pero iso non impediu a celebración da cata final e da entrega de premios. Nesta edición participaron 89 viños de Barrantes e 17 en variantes autóctonas.
A festa tamén contou con actuacións musicais e culturais, entre elas pasacalles, De Vacas ou Pepo Suevos. Todas os eventos respectaron as medidas sanitarias con límites de ocupación e inscricións previas.
O goberno local fai unha valoración moi positiva do Tinto de Barrantes. Un festexo que cualifican de éxito grazas ao comportamento da veciñanza e os visitantes.
Dende o concello xa pensan na vindeira edición do Tinto de Barrantes. Unha celebración con multitude de eventos para un edición que agardan que xa se poida celebrar con total normalidade.
