BOIRO> A actividade, dirixida a nenos e mozos de entre 6 e 18 anos, celebrarase do 5 ó 9 de xullo.
Por oitavo ano, e despois do parón vivido o ano pasado a consecuencia da pandemia, o Monbus Obradorio retoma o seu Campus de Verán en Boiro.
A actividade está dirixida para nenos e nenas de entre 6 e 18 anos, divididos nas categorías Babybasket, Premini, Mini, Infantil, Cadete e Junior. Desenvolverase nas instalacións deportivas do CEIP Santa Baia, e os pavillóns de A Cachada e Barraña.
Como vén sendo habitual dende o seu inicio, para o desenvolvemento deste Campus, o Obradoiro conta co patrocinio da empresa jealsa.
Para máis información e inscricións as persoas interesadas poden consultar a web www.obradoirocab.com.