RIANXO> A concesión de dito servizo rematou e as empresas que viñan realizando o servizo xa non estean interesadas en renovalo, ó resultarlle deficitario.
O alcalde, Adolfo Muíños, informou de que o Concello está a traballar para tratar de restablecer o servizo municipal de autobús, unha vez rematada a súa concesión. O servizo que estaban prestando ata o de agora dúas empresas resulta deficitario nas actuais condicións, polo que a estas non lle interesou seguir realizándoo.
Dende o Concello consideran que o servizo debe darse, ó resultar imprescindible para moitos veciños do municipio. De aí que estean estudando varias fórmulas para retomalo canto antes.
Xa a máis longo prazo a intención do Concello pasa por sacar unha nova concesión.
A nova do remate da concesión do servizo suscitou un enorme malestar na vila, non só dos posibles usuarios do mesmo, senón da propia patronal rianxeira, que xa remitiu un escrito ó Concello reclamando unha solución urxente a este problema.
