NOIA> O executivo noiés confía en poder rematar nos próximos días as obras da ponte do Campo de Noia. Ademais da mellora estética, a actuación, que incluíu a construción dunha nova rotonda, mellorará considerablemente a circulación nesa zona de entrada e saída a vila.
O rexedor noiés referiuse a que a actuación suporá unha transformación importante na fachada marítima, tanto no aspecto estético como na fluidez do tráfico nesa zona.
A estas obras súmase tamén a recente adxudicación por parte da Xunta da instalación dun novo peitoril na ponte.
