RIBEIRA> A comunidade educativa do CEIP de Palmeira celebrou unha concentración en sinal de protesta contra a decisión de Educación de suprimir dúas aulas de infantil neste colexio para o vindeiro curso. A dirección do centro, como tamén a ANPA, entenden que esta medida implicaría clases masivas e unha atención deficitaria para o alumnado deste ciclo.
Ó redor dun cento de pais, xunto co persoal docente, concentrouse esta mañá nun dos patios do colexio, para protestar contra a decisión de Educación de suprimir dúas aulas de educación infantil para o vindeiro curso.
Dende a ANPA do centro e tamén da dirección entenden que a medida supón un novo recorte, ó verse reducido de cinco a tres o número de aulas, o que conlevará a unha masificación do alumnado, que non están dispostos a consentir.
Tanto a ANPA como a dirección do centro confían nun cambio de postura da Consellería. Polo de agora xa pediron unha reunión con representantes do goberno municipal na busca de apoios na súa loita e están á espera de manter unha xuntanza co Xefe Territorial de Educación, Indalecio Cabana.
De non obter unha resposta favorable non descartan emprender outro tipo de medidas de protesta.
