RIANXO> O rexedor rianxeiro pide recuperar tamén a atención presencial, criticando que o dispensario continúe a día de hoxe sen actividade a pesar da situación favorable da pandemia.
O centro de saúde de Taragoña, permanece pechado dende que se decretara o estado de alarma. O alcalde, Adolfo Muíños, entende que a consellería de Sanidade debería proceder xa a súa apertura, pois a situación a día de hoxe mellorou significativamente, así como tamén a recuperar a atención presencial.
Segundo o rexedor rianxeiro a súa apertura evitaría moitos desprazamentos, xa que os veciños desta parroquia deben desprazarse ata centro de saúde Rianxo en caso de ser necesario.
Muíños tamén que a Xunta asuma as competencias para o seu mantemento co fin de garantir un mellor estado das instalacións que, na actualidade, apenas cumpren cos mínimos requisitos para unha correcta atención.
