RIANXO> Situada no polígono rianxeiro de Te, nunha parcela de titularidade municipal que o Concello cedeu gustosamente á consellería de Medio Rural, emprázase a Base da Unidade Operativa contra incendios forestais.
O edificio, no que a Xunta investirá máis de 441 mil euros, forma parte do Plan de Infraestruturas de Medio Rural de cara a mellorar os servizos de loita contra o lume.
A elección de Rianxo responde tamén á súa ubicación estratéxica de cara a poder coordinar dun xeito rápido as labores de prevención e extinción, non só para esta comarca, senón tamén para as áreas veciñas
As obras de construción da base encaran xa a súa recta final. Cunha superficie de aproximadamente uns dous mil metros cadrados, o edificio distribúese en tres zonas ben diferenciadas.
Unha das súas singularidades radica tamén no seu deseño. Na construción do inmoble empregáronse materiais ecolóxicos como é o caso da madeira, para convertela nunha edificación bioclimática.
A de Rianxo, xunto coa dos concellos de Muíños, en Ourense, e Mondoñedo, en Lugo, será unha das tres BUO en proceso de construción para toda Galicia, nas que Medio Rural investirá un total de 1’4 millóns de euros.
