A fundación Arume e a cooperativa Clun restauran máis de 70 hectáreas de monte no concello de Caldas

CALDAS> A fundación Arume e a cooperativa Clun restauran máis de 70 hectáreas de monte no concello de Caldas. Os traballos permitirán recuperar a vexetación perdida tralos incendios do ano 2017.

No ano 2017, os montes de Saiar e Paradela sufriron un incendio que calcinou máis de 300 hectáreas. Para recuperar as árbores deste espazo, a fundación Arume e a Cooperativa Clun colaboran nun proxecto de restauración do monte.

Esta restauración lévase a cabo garantido que o monte recupere o seu antigo estado e reducindo a posibilidade dun novo incendio tan devastador.

Para as comunidades de montes, este proxecto é vital. Do contrario apenas terían posibilidades de recuperar toda a súa vexetación.

A cooperativa Clun participa neste proxecto debido ao seu compromiso de compensar a pegada de carbono.

O seguimento ás plantacións serán constantes. O proxecto inclúe traballos como a realización das rozas, das podas e coidado constante para garantir unha boa produción de madeira.