NOIA> A declaración estaba previsto que fora hoxe, a través de videoconferencia dende a prisión onde segue cumprindo condena polo asasinato de Diana Quer.
O xulgado de Instrución Número 2 de Noia decidiu aprazar para mañá martes a declaración de José Enrique Abuín Gey, o ‘Chicle’, pola presunta agresión sexual a súa cuñada en xaneiro de 2005. Segundo informaron fontes do Tribunal Superior de Xustiza de Galicia o fiscal xa tiña para hoxe outro sinalamento.
A súa conparecencia será a través de videoconferencia dende o centro penitenciario de Mansilla de las Mulas, en León, onde o ‘Chicle’ segue a cumprir condena de prisión permanente revisable polo asasinato de Diana Quer.
O xulgado de Instrución Número 2 de Noia decretou o procesamento do ‘Chicle’ ó entender que das dilixencias de instrución practicadas desprendíanse indicios suficientes de que o investigado realizou actos atentatorios contra a liberdade sexual da denunciante, neste caso a súa cuñada, que daquela aínda era menor de idade.