PONTEVEDRA> Todo listo para a segunda edición da feira sobre saúde e benestar de Pontevedra, Pontesán. A cita desenvolverase na praza de España os días 17, 18 e 19 de setembro, cun programa ampliado respecto da súa estrea o ano pasado. Contarán con 34 asociacións da área pontevedresa relacionadas co eido sociosanitario e cada xornada estará dedicada a unha temática: saúde mental e emocional, hábitos saudables e exercicio físico.
Pontesan volve este ano cunha proposta máis ambiciosa. A feira do concello de Pontevedra dedicada á saúde e ao benestar celebrarase os días 17, 18 e 19 con epicentro na Praza de España.
A presenza destas asociacións medra na convocatoria deste ano. Pasarán de ser 24 a 34 e atoparán na feira un escaparate para amosar o seu labor.
Tamén medra o programa. Cada xornada do Pontesán estará dedicada a unha temática: saúde emocional, alimentación e hábitos saudables e exercicio físico.
De xeito paralelo, xa a partir do mércores a feira ofrecerá unha programación en colaboración coa Universidade de Vigo. Desenvolverase na Casa das Campás.
Outra das novidades será a presenza da Deputación de Pontevedra na feira, que contará co seu propio stand. Ademais, Pontesan desenvólvese no marco dun convenio de colaboración coa administración provincial.
