VILAGARCÍA> Cáritas Interparroquial Arousa e o Sergas realizan unha xornada de vacinación para os usuarios do centros non vacinados. Un total de 19 persoas foron convocadas para recibir inxección. A vacina que recibiron é a de Janssen co cal non é necesario que se lles administre outra dose.
A vacinación avanza a bo ritmo en toda a comunidade galega. Despois de vacinar a todos os grupos de idade, a xunta está realizando agora xornadas para vacinar a aquelas persoas que non puideron recibir a dose no seu momento. Entre estas persoas atópanse 19 usuarios de Cáritas Interparroquial Arousa. Para vacinalos, a ONG e o Sergas organizaron unha xornada no centro de Vilagarcía.
A dose que recibiron os pacientes é a de Janssen, co cal non será necesario que lles administren outra dose.
Cáritas Interparroquial Arousa realiza esta xornada para que as persoas máis necesitadas poidan estar tamén protexidas fronte á Covid 19.
Con esta vacinación, tamén o servizo de vacinación do Salnés cumpre co seu ciclo de saídas para vacinar aos colectivos máis necesitados.
Segundo indican dende o Sergas, a vacinación en Galicia está nun 90% de poboación inmunizada. Os restantes estanse vacinando esta semana, que son as persoas que non puideron vacinarse no seu momento. Os sanitarios agardan rematar este mes coas vacinacións masivas.
