CATOIRA> Rematan as obras de mellora do Campo de fútbol das Lombas de Catoira. A intervención tivo un custo de preto de 240 mil euros. Foi financiada polo concello e a Xunta a través do fondo de cooperación do instituto galego de vivenda e solo.
Con este saque de honra, a consellería de medio ambiente inauguraba as reformadas instalacións do campo das Lombas de Catoira. A Xunta e o concello levaron a cabo unha obra que serviu para mellorar as gradas, os vestiarios e o terreo de xogo.
A obra tivo un custo de preto de 240 mil euros, financiados polo concello grazas á colaboración da Xunta co fondo de cooperación do instituto galego de vivenda e solo.
Dende ambas administracións destacaron a importancia destas melloras para o goce dos veciños de Catoira e para o propio club da vila.
O campo rematouse no prazos establecidos e o equipo de Catoira xa puido probar as novas instalacións durante esta semana. Trala inauguración oficial de hoxe, o campo xa está preparado para que o Catoira en todas as súas categorías comece as competicións deportivas.
