RIBEIRA> Salvamento Marítimo veuse obrigado a realizar esta fin de semana un operativo de rescate a un veleiro tras un ataque de candorcas.
O barco, ‘Le Sterne’, de bandeira francesa, e con tres tripulantes abordo, foi remolcado ata o Club Náutico de Ribeira, cando navegaba a unha milla e media da illa de Sálvora.
Ningún dos seus tripulantes resultou ferido. Segundo relataron, unha vez en terra, foi que sufriran varias acometidas destes animais, que lle provocaron a rotura do temón da embarcación.
A consecuencia diso, o barco permanece amarrado no náutico ribeirense á espera de ser reparado, para poder continuar rumbo ata as Antllas.
Dáse a circunstancia de que este é o segundo incidente rexistrado en poucos días na costa galega. Anteriormente a este foi o veleiro británico ‘Extra Mile’ o que necesitou auxilio cando navegaba a unhas cinco millas ó noroeste da Garda.
