PONTECESURES> O GDR Salnés-Ulla-Umia conmemorará o Día Mundial da Eliminación da Violencia contra a Muller cunha nova proposta: ‘O Rural contra a violencia de xénero’. O 13 de novembro realizarase a Ruta Xacobea ‘Traslatio’ co obxectivo de dar visibilidade ás
mulleres rurais que residen en poboacións do rural galego e, en concreto, nos dezaseis
concellos que forman este GDR.
A ruta comezará en Vilanova de Arousa. Pasará polos concellos de Catoira e Valga para rematar en Pontecesures. No porto cesureño lerase un manifesto e realizarase unha videoconferencia con representantes da Xunta de Galicia, que será simultánea cos vinte catro GDRs galegos.
De xeito paralelo, a Caravana Morada estará instalada durante toda a mañá na praza
de abastos de Pontecesures, ofrecendo asesoramento e información en violencia de
xénero.
O GDR Salnés-Ulla-Umia realizará a actividade ‘O Rural contra a violencia de xénero’ en
colaboración co AGADER, a Secretaría Xeral de Igualdade e a Axencia Turismo de
Galicia.