RIANXO> Hoxe, 12 de novembro celébrase o Día Internacional contra a Obesidade Infantil. Coincidindo con esta efeméride xorde esta alianza a tres: Concello, Instituto e a empresa Be One, que xestiona a piscina municipal, xúntanse para loitar contra o sedentarismo e promover hábitos de vida saudables nos adolescentes. E todo a través da práctica deportiva co programa Move-T.
Trátase dunha experiencia piloto, dirixida a unha franxa de idade moi concreta, neste caso os catorce anos, con estudantes de terceiro da ESO.
Tanto dende o Concello coma do propio instituto da localidade destacaron a idoneidade do proxecto.
O programa, que arrancaba esta mañá, prolongarase ata marzo, con diferentes fases. Unha vez rematado e analizados tódolos resultados obtidos, non se descarta poder ampliala tamén a outras idades, incluso máis pequenos.
Trátase dun pequeno chanzo, pero que pretende romper coas rutinas negativas, apostando pola actividade física para conseguir vidas máis saudables.