OUTES> A casa de Cultura de Outes acolle estes días un taller das Misións de Economía Social do Proxecto ‘GECO’, no que participa o Concello con outros municipios de iguais características de Italia, Irlanda e Polonia. O taller está co-financiado polo programa COSME da Unión Europea.
A xornada de hoxe contou ademais con presentacións de experiencias locais como é o caso dos proxectos Econoia que desenvolve a confraría de pescadores ou as Cabaniñas do Bosque, unha iniciativa de turismo sostible.
O taller terá continuidade tamén mañá sábado cunha xornada aberta a toda a veciñanza que versará sobre os servizos ambientais e de conservación da biodiversidade.