RIBEIRA> A necesidade de recuperación do comercio local levou ó concello de Ribeira a incrementar a contía destinada á campaña de Nadal organizada pola asociación de empresarios. Serán 7500 euros repartidos en vales de compra os que se sortearán entre os preto dun cento de locais comerciais e hostaleiros que se sumaron á iniciativa. Os compradores recibirán unha participación por cada dez euros de gasto coa que entrarán no sorteo que se celebrará o 11 de xaneiro.
Para facilitar o desenvolvemento das compras, os establecementos repartirán tamén bonos de aparcamento para as persoas procedentes das parroquias e doutros concellos que precisen estacionar no casco urbano mentres realizan as súas compras. Esta campaña verase complementada coa posta en marcha dos bonos para o comercio que lanza o concello. Poderanse solicitar a partir de mañá na páxina amaribeira.gal para obter descontos de dez euros por cada trinta de compra ata un máximo de trinta euros de des conto por cada cidadán.
