RIANXO> A autovía do Barbanza rexistraba esta mañá un novo accidente de tráfico. O suceso tiña lugar ó redor das doce desta mañá, na saída de Rianxo.
Por causas que se descoñecen un vehículo, que circulaba en dirección á vila, saíuse da vía, quedando o seu vehículo enriba da beiravía.
A condutora, e única ocupante do turismo, non sufriu dano aparente algún.
Ata o lugar do sinistro trasladouse a Policía Local e persoal de asistencia da propia autovía, así como tamén unha ambulancia do 061, aínda que finalmente non tivo que actuar.