RIANXO> A Garda Civil iniciou a investigación ó ter coñecemento da posible existencia dunha persoa dedicada á distribución da droga a pequena escala polos diferentes locais hostaleiros da localidade.
As indagacións realizadas polos axentes permitiron a identificación deste individuo no momento no que se dispoñía a realizar unha venda.
Entre as súas pertenzas atoáronse unhas 30 doses de cocaína, tres doses de haxíx e unha dose de marihuana, así como tamén varios útiles empregados para a dosificación destas substancias, un teléfono móbil e 480 euros.
Foi detido por un delito contra a saúde pública.
Tódalas actuacións realizadas polos axentes e os efectos incautados foron postas a disposición do Xulgado de Instrución de Garda de Padrón.