BOIRO> Os nenos de Boiro terán ocasión de ver ós Reis Magos na tradicional cabalgata que organiza a comisión parroquial de Santiago de Lampón en colaboración co concello. Este ano a comitiva será máis curta, integrada unicamente polas carrozas dos Reis e o Nacemento.
A pesar da mala evolución do covid, a cabalgata de Boiro con máis de medio século de historia ás súas costas, non podía faltar á súa cita.
Como é habitual, sairá ás cinco dende A Madalena en Lampón, chegará a Boiro pola rúa Principal e percorrerá a rúa peonil ata a Boqueira de A Negral.
Aínda que se mantén o percorrido, a comitiva será moito máis reducida que en anos anteriores. Tan só saíran 4 carrozas con dous integrantes cada unha.
Dende o concello fan un chamamento á responsabilidade e colaboración dos veciños para evitar aglomeracións.
