RIBEIRA> O delegado provincial da Xunta na Coruña visitou as instalacións do CEIP de Palmeira. A Consellería de Educación investiu ó longo deste ano preto de seiscentos mil euros nas obras de mellora da eficiencia enerxética do centro educativo.
Gonzalo Trenor, acompañado do xefe territorial de Educación, Indalecio Cabana e o alcalde de Ribeira Manuel Ruíz coñeceu de primeira man as melloras acometidas no centro educativo. A Xunta investiu preto de seiscentos mil euros na mellora da eficiencia enerxética a través di illamento exterior do inmoble, substitución das fiestras e a instalación de lumninarias de baixo consumo.
A directora do colexio aproveitou a visita dos representantes autonómicos para trasladarlle outras necesidades do colexio como a mellora do ximnasio ou a necesidade de contar cun patio cuberto.
O alcalde de Ribeira comprometeuse a intermediar entre a Xunta e os centros educativos á hora de trasladar todas esas necesidades tanto do colexio de Palmeira como do resto de centros educativos do municipio que nos últimos anos están a experimentar importantes melloras.
