A POBRA> O centro de saúde da Pobra foi obxecto dunha reforma para mellorar a calidade asistencial ós pacientes. As actuacións acometidas supuxeron un investimento de 45 mil euros financiado a partes iguais por concello e Xunta.
O delegado provincial da Xunta na Coruña, Gonzalo Trenor, e a xerente da área sanitaria do Barbanza, Eloína Núñez, visitaron o centro de saúde da Pobra para coñecer o resultado das melloras que se veñen de acometer. A actuación, próxima ós 45 mil euros confanciados por Xunta e concello, supuxo a substitución das fiestras e encintado da fachada así como o pintado exterior do inmoble. Tamén se realizou a reforma da zona de consultas e dos baños da planta baixa.
Dende o concello agradeceron as melloras tan necesarias nun edificio que data xa de 1990; de aí a necesidade de contar cun novo centro de saúde na localidade; proxecto que permanece paralizado á espera de poder dispoñer dos terreos axeitados
Ademais desta actuación o delegado provincial destacou outros investimentos en materia sanitaria na comarca os centros de saúde que se atopan en proxecto ou as últimas intervencións no hospital do Barbanza.
