BOIRO> A actuación cun investimento de preto dos 67 mil euros foi con cargo ó POS da Deputación da Coruña.
O executivo boirense segue a dar pasos importantes de cara á mellora de servizos e da accesibilidade en diferentes núcleos do rural, co obxectivo de mellorar tamén as condicións de vida dos veciños destas zonas.
Unha das últimas actuacións executadas levouse a cabo no lugar de Graso, na parroquia de Abanqueiro. Alí realizouse a renovación integral do firme e da rede de pluviais, xa que o seu estado de deterioro provocaba problemas de seguridade cando se producían choivas.
As obras cun orzamento de preto dos 67 mil euros foron con cargo ó POS da Deputación da Coruña.
A actuación en Graso forma parte dun proxecto para a renovación de pavimentos en varios puntos do municipio, co que se actuou en Coroño, Cabo, Cespón e Treites.
