CAMBADOS> O entroido en Cambados rematará plantándolle lume ao Benidorm Fest. A localidade recupera os festexos cun programa adaptado á situación sanitaria, no que haberá actividades infantís e tamén para maiores. Volven propostas como ‘A túa cara sóame’ ou o desfil de carrozas. A intención é facer a maioría das actividades ao aire libre, se o tempo acompaña.
En Cambados había ganas de entroido e a festa volve por todo o alto. Faino, iso si, aínda nun formato diferente, adaptado á situación sanitaria. Entre as propostas, o Concello recupera ‘A túa cara sóame’ e as actividades infantís. Tamén o desfile de carrozas e maquetas, o domingo 26 . O percorrido rematará na praza de Fefiñáns. Tampouco faltará este ano o concurso de disfraces e comparsas o martes de entroido.
O concello ten previsto facer a maioría das actividades no exterior, aínda que reserva un plan b para todas as iniciativas por se chove. Ademais, do baile dos maiores, varias das propostas trasladaranse ao Salón Peña.
E para remata-lo entroido, o mércores de cinza, o Concello quere facerse viral, queimando o Benidorm Fest. Ademais de gozar do entroido en formato presencial, moitas das actividades poderanse seguir de xeito virtual a través das canles do concello.
