OUTES> A voceira nacionalista María Xose Suárez cargou contra a Xunta por un novo recorte no municipio. Neste caso denuncia a situación que viven os veciños de parroquias como Tarás, Entíns ou Queiradas que viron recortado o servizo de transporte público coa entrada en vigor das novas liñas escolares no mes de xaneiro.
Segundo ela a situación agrávase aínda máis en Cuns, que a día de hoxe non conta xa con ningunha liña de transporte.
Tamén volven a poñer o acento na situación que teñen que padecer varias familias do municipio cuxos rapaces non dispoñen de servizo de transporte para acudir ó instituto a Noia.
Os nacionalistas anunciaron que levarán este asunto ó Parlamento Galego a través do seu grupo parlamentario para tratar de que se dea unha solución o máis axiña posible.