BARBANZA> A Conselleira do Mar demanda ó goberno central medidas específicas para apoiar ó sector pesqueiro ante a suba do prezo do combustible. Ó encarecemento dos carburantes engádese a falla de transporte con negativas consecuencias sobre toda a cadea mar-industria.
O encarecemento do combustible está levando a unha situación complicada ó sector do mar, abocado a un paro forzoso se non se frea a suba dos prezos . A Xunta de Galicia xa demandou na Conferencia de presidentes autonómicos celebrada a pasada semana a baixada dos impostos que gravan os combustibles dentro dos parámetros que permite a Unión Europea.
Rosa Quintana alertou de que a situación non só é crítica entre a flota pesqueira senón que repercute tamén no resto das empresas que compoñen a cadea mar-industria. A falla de transporte xa tiveron consecuencias en varias lonxas galegas nas que algúns barcos non puideron subhastar os seus produtos.
