Causan danos no mobiliario do paseo marítimo de Noia

NOIA> A Policía Local investiga un novo acto vandálico ó mobiliario urbano. O suceso producíase esta pasada fin de semana no paseo marítimo, na zona de Abruñeiras.

Alí, na madrugada do sábado, aparecían queimados varios contedores de lixo e papeleiras, e destrozáronse varias luminarias.

Este espazo do paseo marítimo é unha zona habitual de encontro para os mozos nas fins de semana, na que habitualmente se organizan botellóns.

Por desgraza son actos vandálicos que se repiten con bastante frecuencia e o Concello non está disposto a deixar pasar xa que este tipo de comportamentos incívicos representan un importante gasto para as arcas municipais, que agora deberá repoñer ou arranxar tódolos elementos danados.