A POBRA> Será o domingo 12 de xuño e constará de dous percorridos. Sortearanse agasallos entre tódolos participantes que deberán achegar un quilo de alimentos para inscribirse na proba.
As bicicletas tomarán as rúas da Pobra o domingo 12 de xuño. A concellería de Deportes decidiu este ano retomar a celebración deste evento que ten como principal obxectivo fomentar hábitos de vida saudables e promover o uso de transportes non contaminantes. A principal novidade desta edición será o sorteo dunha bicielta xunta a outros agasallos.
A saída terá lugar ás once da mañá dende a praza maior, onde se poderá tamén recoller os dorsais para participar nas rutas e no sorteo de premios. Haberá dous percorridos: un para menores de 8 anos de quilómetro e medio, e outro máis longo para maiores.
A ruta rematará na praza Maior onde terá lugar a entrega de premios e unha xincana para os cativos. Tamén se procederá á recollida dos alimentos doados por parte de Cáritas.