RIBADUMIA> Ribadumia xa vive por todo o alto a 49 edición da Festa do Tinto do Salnés. Esta mañá inaugurouse de xeito oficial, co tradicional corte de cinta e o brinde das autoridades. Por diante, unha intensa fin de semana de moita troula co viño como auténtico protagonista.
Dous anos despois, esta imaxe volve a Ribadumia. Esta mañá inaugurouse a 49 edición da Festa do Tinto do Salnés. Primeiro co corte de cinta, logo co brinde das autoridades. E xa, dende primeira hora con veciños e visitantes, gozando do regreso da festa. E é que xa había ganas.
E polo que nos contaban, o viño tan bo como sempre. E por suposto que o probamos. E non só nós. Tamén este alemán que visita estes días O Salnés e ao que lle contaron da sona deste viño. Xa todo un experto… Unha festa, ademais, que gusta a pequenos e maiores…
E non é para menos, porque ademais de viño, en Ribadumia estes días hai moito que facer. Tamén música a esgalla. Onte por exemplo, o Combo xa encheu. Porque mañá é o día grande da festa. Ademais do xantar, coñeceremos os gañadores da cata.
O alcalde de Ribadumia celebra que neste 2022 a Festa volva se-lo que foi. Por diante unhas xornadas multitudinarias nas que se respira as ganas de troula.
A Panorama, a Panamá, La Oca Band e un concerto de Roi Casal son parte dun programa festeiro co que Ribadumia, por fin, brinda de novo polo seu tinto.
