BARBANZA> Os problemas de falla de persoal e a sobrecarga de traballo entre o persoal médico deste centro hospitalario é unha das principais razóns que levou ós facultativos a iniciar hoxe un calendario de mobilizacións. Culpan á Consellería de buscar parches momentáneos ó exceso de gardas nalgunhas especialidades, pero sen establecer un protocolo claro en cada caso.
A situación segundo eles empeorará nos vindeiros meses co inicio do verán.
Tamén reclaman o pago da xornada complementaria, que realizan a maiores, que lle foi prometida pero que aínda non cobraron.
Ante esta situación anuncian que seguirán coas mobilizacións, previsiblemente cunha xornada de peche no propio hospital para as vindeiras semanas.
