CAMBADOS> Cambados organizará na praza de San Gregorio o mercado das pulgas. Unha feira ambulante no que a veciñanza poderá vender os obxectos que xa non utiliza. O evento ten como finalidade fomentar a economía circular evitando que acaben no lixo aparatos que aínda teñen vida útil.
O concello de Cambados porá en marcha o vindeiro día 24 unha nova iniciativa, o mercado das Pulgas. Unha feira ambulante destinada á veciñanza para que poidan vender os obxectos que non utilizan.
O mercado terá lugar na Praza de San Gregorio co obxectivo de dar vida á praza e fomentar a economía circular favorecendo ao medio ambiente.
Todos os veciños de Cambados e doutros puntos da comarca poden anotarse para participar no mercado de forma totalmente gratuíta. Os postos só están dispoñibles para particulares e non para profesionais nin empresas. Quen si disporá do seu propio stand serán o refuxio de animais e Galiciame.
O mercado estará aberto, en principio, durante toda a xornada do domingo 24 na praza de San Gregorio. Unha zona que está obras pero que estará completamente lista para a primeira edición do mercado das pulgas.